Detox

I bi sones bravs Ching gsi

O weni bi aggro worde

Bini nid Amok gloffe

Sondern ha afah schloote

Abgeschlückt u inhaliert

Ineghoue, kompensiert

Fernseh, Figge, Frässe

Bis i mi säubr ha vrgässe

I ha mir guet gönnt

I ha mi zuedröhnt

Säuber umedökterlet

Ds haube Läbe drögelet

Fertig fettig fertig Zucker

S'isch Schlusss mit à la Carte

Ab hüt isch Ramadan, ey

Das Wuchenänd isch

Detox

Scheiss fucking Detox

I dräihe no düre wäg däm Detox

I renn dür d Stadt u schreie

Hüt gits ke Stimuli

Ke Gras, ke Nikotin

Ke Auk, ke Koffein

Nur Sport u Dopamin

Früschi Luft und Sunneschiin

Hahnewasser, Disziplin

Chum säg dim Drogedealer

Es wär dr ohni lieber

Hüt gits ke Usnahm

Zum Znacht gits chaute Truthahn

S'isch Zyt zum Fänschter putze

Ke Zyt für Säubschtbetrug

Das isch dr Wändepunkt

Ab hie isch Sändeschluss

Es git ke Ablänkig

Das hie isch d'Abrächnig

Detox

Huere fucking Detox

I dräihe no düre ab däm Detox

I renn dür d Schtadt u schreie

Detox

I gah no d Wäng uf wäg däm Detox

Vrfluech mi säubr wäge Detox

I trage d'Konsequänze

I zahle d'Fougeschäde

Vomene Schoggiläbe

Itz tue nid so stier, tue nid so spiessig, nimms doch mau easy

Tue nid so sträng, lah mi la gniesse, chum mir verschiebes

Nume es Zügli, es Bitzli, nume es Biissli, es Mü, es Schlückli

Nur no es Schriissli, nume no hüt, i vrspriches

I zieh das düre mit däm Detox

Scheiss fucking Detox

Cha mi nüm drücke vorem Detox

I renn dür d Schtadt u schreie

Detox

Das hie isch nüt für Chinder, Detox

Das isch wi Exorzismus, Detox

I trage d'Konsequänze

I zahle d'Fougeschäde

Vomene Schoggiläbe