لو كنت عايز تاكل عيش
اجمد كده وخليك وتد
في زمننا ده علشان تعيش
لازم تكون زي الأسد
هتعيش ضعيف حقك هيضيع
ويقطعوا في طيبتك تقطيع
والكل فيك يشتري ويبيع
وهتترزع آه وتتهبد
الطيبين خلصوا وخلص زمانهم
والمؤذيين كتروا وسانين نيابهم
صحصح كده وفتح عنيك
لو كنت عايز تعيش ما بينهم
لو خربشوك قطع هدومهم
لو عضوا فيك كسر سنانهم
قوت العفي محدش بياكله
هتعيش طري هتصغر في عينهم
عيش محترم آه بس بحساب
حقك خده بحرفة وأدب
في زمننا ده اللي مالوش نياب
بيتعب وبيشوف العجب
انشف كده وحمر عينيك
متسيبش حد يدوس عليك
لو طمعوا فيك هيقلوا بيك
وألف كف آه هتنضرب
الطيبين خلصوا وخلص زمانهم
والمؤذيين كتروا وسانين نيابهم
صحصح كده وفتح عينيك
لو كنت عايز تعيش ما بينهم
لو خربشوك قطع هدومهم
لو عضوا فيك كسر سنانهم
قوت العفي محدش بياكله
هتعيش طري هتصغر في عينهم
