Lyrics
ឱ្យយុត្តិធម៌ ដល់រូបខ្ញុំផងណា៎
កុំចេះតែថា ខ្ញុំក្បត់ពីចិត្តបង
ឬមួយចិត្ត បងអស់ស្នេហ៍
បានតែរាល់ថ្ងៃមួរហ្មង
អូនខុសចិត្តបង គ្រប់ពេលវេលា
ឱ្យយុត្តិធម៌ ដល់រូបខ្ញុំផងទៅ
ឱ្យខ្ញុំរស់នៅ ក្នុងភពមានមេត្តា
ខ្ញុំមិនទាន់ ក្លាយជាស្រី
ក្បត់ប្ដី ព្រោះលង់តណ្ហា
ចិន្តាខ្ញុំស្មោះ តែបងមួយ
ទឹកភ្នែកខ្ញុំយំ យំព្រោះស្នេហ៍បង
បានជាសៅហ្មង ឱបក្ដីទុក្ខព្រួយ
ស្នេហ៍បងបណ្តោង បងបានក្ដិចត្រួយ
ឱ្យផ្ការុះរោយ គ្មានន័យ
ពេលនេះតើបង ដឹងចិត្តអូនឬទេ?
ឬជឿពាក្យគេ ហើយមកធ្វើបាបស្រី
ខ្ញុំចង់តែរស់ជិតបង
ស្នេហ៍ស្នងដោយចិត្តប្រណី
ឥតបីបែកបែរ ពីក្ដីស្មោះ
ទឹកភ្នែកខ្ញុំយំ យំព្រោះស្នេហ៍បង
បានជាសៅហ្មង ឱបក្ដីទុក្ខព្រួយ
ស្នេហ៍បងបណ្តោង បងបានក្ដិចត្រួយ
ឱ្យផ្ការុះរោយ គ្មានន័យ
ពេលនេះតើបង ដឹងចិត្តអូនឬទេ?
ឬជឿពាក្យគេ ហើយមកធ្វើបាបស្រី
ខ្ញុំចង់តែរស់ជិតបង
ស្នេហ៍ស្នងដោយចិត្តប្រណី
ឥតបីបែកបែរ ពីក្ដីស្មោះ
Written by: Peou Sipho
