Ki-Sin

佇阮庄頭的鬼湖，有蹛一位羅漢，伊是侯爺的乩身，嘛是荏懶掛悲哀的乞食命。

 

十八歲彼年，少年羅漢佇廟裡起童，化身侯爺。自彼擺了後，伊不時就會看著侯爺。便若行到水岸邊，就會看著侯爺對水中浮起來；便若踏入山內，伊就會感覺著侯爺的目睭，佇樹仔頂共看。

 侯爺對少年羅漢講：「羅漢啊，你若毋願做侯爺，這世人就愛來做羅漢，永世無法度超脫。」