Credits
Lyrics
ساعات بشتاق ليوم عيشه وأنا صغير
لشكلي قبل ما أتغير
لأيام فيها راحة البال
عشان كنا ساعتها عيال
ساعات بشتاق للحب القديم
لصوت عبد الحليم
لنومي في حضن لبس العيد
وإحساسى إن بكرة العيد
لفنجان قهوة من أمي وأنا بذاكر
لفرحة أبويا لما أنجح وأكون شاطر
للمة عيلة في الصيف
لما بنسافر على مطروح
لأول لمسة من إيد اللي حبيتها
لضحكتها ورقتها وبراءتها
لدمعة عيني يوم البعد خبيتها وأنا مجروح
ساعات بشتاق ليوم عيشه وأنا صغير
لشكلي قبل ما أتغير
لأيام فيها راحة البال
عشان كنا ساعتها عيال
ساعات بشتاق لخالي وعمي ولجدي
لحواديت من بتوع ستي
لليلة من ليالي زمان
لفرح بيملى كل مكان
ساعات بشتاق لبيتنا الكبير
ولناس مليانة خير
لا باتوا في مرة يوم شايلين
ولا عملوا حساب لسنين
للعب الكرة فى الشارع في حتتنا
لأمي وهيا بتعيد على جارتنا
لرمضان لما بنوره يهل على بيتنا وكل مكان
حاجات عدى عليها سنين كانت فينا
صور جوانا عايشة زي اسامينا
ولا الدنيا ولا الأيام تنسينا ليالي زمان
ساعات، اه ساعات
...لأيام فيها راحة البال
عشان كنا ساعتها عيال
Written by: Mohamed Ahmed Ahmed Fouad
