Skilfoù An Noz (Radio Edit)

Skilfoù an noz

Funk an ton, ma gwerzenn zo don evel ur gwerz

Unaniñ ar chadenn gant ur boblañs a-serzh

Krenañ al leur gant ur plin uhel war skeulenn Richter

Pobl a zañs zo kreñv evel ur panzer

Un dañser zo priziusoc’h ‘vit kant mil stream

Ur skoed a-dal d'ar c’haoc’h a strev an ardivink

Selaou ‘ta Jacques hag e c’hwec’h kordenn strink

Nerzh an hengoun a vir ur strakell diouzh an tuning

Paket e vi etre skilfoù an noz 'vel gant Freddy gant A.R.Y

Kavout a ri an nor digor pa po ezhomm goudor pa gari

Kompren a ri aze hon tro-spered

Gant ar fest-noz omp bet savet ha n’eo ket gant ar stered

Eus ar c’havell d’an arched, heñchet

Gant ur c’hast a levezon sanket ennomp evel ur c’hleze don

Gwriziennoù don a ro d’an den ur spered sonn

Hor yezh a red en hor gwazhiennoù evel ma red an albumin

Oc’h enebiñ ouzh korfoù-eskern ganto filc’hier troet war an tu-gin

Ni zo danvez-tarzh ha ket hini Plevin

Ni zo ‘tal sal ar fest ha prest d’he deviñ

Ivin ma biz kreiz a gresk da vout ur skilfenn

Ni ‘vo ar re o bounto ‘tal dor an Ifern