Luna rossa

Vaco distrattamente abbandunato,

Ll’uocchie sott’ ’o cappiello annascunnute,

Mane ’int’a sacca e bávero aizato,

Vaco siscanno ’e stelle ca so’ asciute.

E ’a luna rossa me parla ’e te.

Io le domando si aspiette a me

E me risponne: “Si ’o vvuo’ sape’,

Cca nun ce sta nisciuna.”

E i’ chiammo ’o nomme pe’ te vede’…

Ma tutt’ ’a gente ca parla ’e te,

Risponne: “È tarde che vuo’ sape’?…

Cca nun ce sta nisciuna!”

Luna rossa…

Chi me sarrá sincera?

Luna rossa,

Se n’è ghiuta ll’ata sera

Senza me vede’.

E i’ dico ancora c’aspetta a me,

Fore ’o balcone stanott’ ’e ttre…

E prega ’e Sante pe’ mme vede’…

Ma nun ce sta nisciuna!…

Mille e cchiù appuntamente aggio tenuto,

Tante e cchiù sigarette aggi o appicciato,

Mille tazze ’e café mme so’ bevuto,

Mille vucchelle amare aggio vasato.

E i’ dico ancora c’aspetta a me,

Fore ’o balcone stanott’ ’e ttre…

E prega ’e Sante pe’ me vede’…

Ma nun ce sta nisciuna!…

… Cca nun ce sta nisciuna…

Cca nun ce sta nisciuna…