Chline Clown

Är hocket widermau allei a däm Houzige Tisch

und är fragt sich, was i sim Läbä schiefgloffe isch.

Scho wider isches z 3. Bier und är weis äs söu nid si,

är het doch numme chli weue vergässe u glücklech si derbi.

Dr chli Ma, är het emau e ganze grosse Troum gha.

Einisch aus Clown verchleidet, ire Zirkusmanege stah.

D Lüt aui zum Lachä bringe söu sini Ufgab si,

Doch wöu är sälber nie het glehrt lachä,

ischs e Troum blibe für ihn.

...............................................................................

Gib nid uf chline Clown,

Yeyeah Yeyeah

Gib nid uf chline Clown

UUUUUUUUU UUUUUU

Gib nid uf chline Clown

Yeyeah yeyeah

Gib nid uf chline Clown

UUUUUUUU UUUUUUUU

............................................................

Die auti Chischtä ufm Dachbodä

dert drin vergrabe ligt si Troum.

Perückä Schminkzüg u Chleider,

haut z Wärkzüg vomene Clown.

Är schiebt sis Bier uf d Sitä,

wöu ufzmau packt ne dr Muet

Är nimmt die auti Chischtä fürä,

äs duet sire Seeu so guät.

Mit sinä wunderbare Farbe,

bemahlt är sis hübsche Gsicht,

är luegt sich grad im Spiegu a, wo är i Tränne usbricht.

und uf einisch, da wird ihm klar, wie eifach dases wäri gsy,

sini Angst vorem Lachä z überwinde,

u sini Gränze spränge derbi.

Sini Tränä, si loufe ihm, d Backä z dürab,

u si verwüsche däm alte Clown sis Gsicht.

ds Resultat dervo es gseht so luschtig us, dass jede Stei zerbricht.

und eso het är glehrt Lachä

u änderet sini Gschicht.

................................................................................

Gib nid uf chline Clown

Yeyeah

Gib nid uf chline Clown

UUUUUUU UUUUUUU

Gib nid uf chline Clown

Yeyeah

Gib nid uf chline Clown

UUUUUUU UUUUUUU

GIB NID UUUUUF CHLINE CLOWN

......................................

Vor luter Lachä, het däm aute Clown sis Härz ufghört schlah

und är dänkt nomal zrugg wies hät chönne si,

idr Zirkusmanege ds stah.

Är het si Troum nid chönnä läbä, wöu är Angst vorem Lachä het gha.

u we du widermau wosch ufgäh, eso dänk zrugg, a dä Ma.