Mit dir

Vers1 B:

Ich han e Störig a mir - sie ghört zu mir - bin sicherlich nöd perfekt

Ha Macke & Flause - bi dauernd ufbrausend - und voll mit D-D-D-Defekt

Ha eine am Sänder - Mer chan mich nümm ändere - da sind nöd all Tasse im Schrank

ha villes verbroche - uf dünnem Iis glofe - mit Dämone Tango tanzt

Pre Hook S:

Ich bin trotz allem kei Maschine - bin en Mänsch us Fleisch und Bluet

stell mini Fehler id Vitrine - es chlises Update däät mer guet

dänn ich träg Fehler i mim Liib / Bis d’Schwerchraft mich besiegt

Chorus:

Ich bin so - oh - oft - oft dä Schwan im schwarze Gwand

doch du bisch immer no mit mir - immer no mit mir

Du bisch so - oh - oh (oft) - s’Porzelan ich dä Elefant

doch du bisch immer no mit mir - immer no mit mir - immer no mit mir

Vers2 B:

Dank Mänsche wie dir - funktionier ich einigermasse im Alltag

ich vergiss nie wied gseit häsch - Alles o.k.: nur e 0 heg kei Egge und Kante

dä schwarzi Schwan - oft arti us - de Ventilator vor dim Chartehuus

du e klassischi Komposition und ich eher en Song us de Sparte Blues

mängisch bemänglisch mi für mini Gständniss- tja isch halt eso!

lieber vo richtige kritsiert - als vo de falsche globt

Du schänksch mir kei Blueme zum Tag woni ruebe - Loyalität isch da

DU schänksch mir sie - wänni bider bi - dänn im Himmel da segis doch z’spaat!

Pre Hook S:

Ich bin trotz allem kei Maschine - bin en Mänsch us Fleisch und Bluet

stell mini Fehler id Vitrine - es chlises Update däät mer guet

Chorus:

Ich bin so - oh - oft - oft dä Schwan im schwarze Gwand

doch du bisch immer no mit mir - immer no mit mir

Du bisch so - oh - oh (oft) - s’Porzelan ich dä Elefant

doch du bisch immer no mit mir - immer no mit mir - immer no mit mir