ذهب الليل طلع الفجر

ذهب الليل طلع الفجر والعصفور صوصو (صوصو)

شاف القطة قالها بسبس قالت له نونو (نونو)

ذهب الليل طلع الفجر والعصفور صوصو (صوصو)

شاف القطة قالها بسبس قالت له نونو (نونو)

ماما قالت له سيب القطة وخليها في حالها

ساب مدرسته ورمى كراسته وراح جر شكلها

راحت القطة مخربشة إيده لما مسك ديلها

وأدي جزاة اللي ميسمعش كلمة ماما تقولها

ذهب الليل طلع الفجر والعصفور صوصو (صوصو)

شاف القطة قالها بسبس قالت له نونو (نونو)

أبله قالت له فيفي الحلوة زعلت من سوسو (سوسو)

راح يصالحها وبسها وهي حلفت ما تبوسه (بوسه)

جابت الحبر وعاصت إيدها وجات بشويش جنبه

مسحت إيدها في وشه وعملت قال إيه بتلاعبه

سوسو ضربها ومسك الحبر اللي في إيدها وقَلَبُه

على فستانها وشافهم بابا وعاقبها وعاقبه

ذهب الليل طلع الفجر والعصفور صوصو (صوصو)

شاف القطة قالها بسبس قالت له نونو (نونو)

ندر عليا لا أجيلكم وأولع شمعة من شمعة (من شمعة)

لحد الشبر ونص ما يكبر ويروح الجامعة (الجامعة)

ميمي دكتور وسعاد دكتوره واحنا بندعيلكم

وصلاح يبقى محامي وتوتو قاضي يصالحكم

وعصام بكرة هيبقى مهندس ويعمر بيتكم

يبني مدينة ويرفع جسر وعمار يا بلدكم

ذهب الليل طلع الفجر والعصفور صوصو (صوصو)

شاف القطة قالها بسبس قالت له نونو (نونو)

ذهب الليل طلع الفجر والعصفور صوصو

شاف القطة قالها بسبس قالت له نونو (نونو)