Basrah w Atooh

بسرح وأتوه في الذكريات وبعيش حياة ويا اللي فات أشخاص، أماكن، كل شيء حاجة توديني لحاجات حكايات، مواقف كلها في الماضي دي أنا عشتها كل لما أغمض عيني أروح لسنين سابتني وسيبتها كل لما أغمض عيني أروح لسنين سابتني، سيبتها ليه بحبها ما هي ماضي عدى وانتهى؟ وإن سيبتها تمشي بترجع وحدها وساعات أنا بشتاقلها فأندهلها ليه بحن ليها وأعيش عليها؟ مفيش إجابة عرفتها أنا عمري كام عشان تكونلي الذكرى أسلوب حياة! دماغي فيها مليون شريط، ماضي قديم من ده، وده ده أنا كنت عيل من يومين ودخلت أنام صحيت لقيت العمر عدى، ما أخدنيش معاه بسرح وأتوه في الذكريات وبعيش حياة ويا اللي فات أشخاص، أماكن، كل شيء حاجة توديني لحاجات وفي السنين أنا مش كبير وشعري أسود زي ليل والليل ما بيعديش طويل مفهوش هروب من الذكريات ليه ما ليش في بكرة، وليه بتوه؟ ليه ما ليش في حلم بترسموه؟ بسرح فألاقي الذكرى بس وفيها بلقى أنا يومي أمس غير يومكوا ده اللي بتعيشوه الذكرى واخداني لمكان، أيام زمان وقت الفرح، وقت الهنا أنا وسط بكرة مليش وجود في الذكرى بس بكون أنا وأرجع في غمضة عين سنة، سنة في سنة أنا ببقى أنا عيل بيهوى الدندنة أحلامه سهلة وممكنة وعشان كدة أنا من هناك أنا بنتمي للذكريات وما ليش مكان بينكم هنا بسرح وأتوه في الذكريات وبعيش حياة ويا اللي فات أشخاص، أماكن، كل شيء حاجة توديني لحاجات بسرح وأتوه (بسرح وأتوه)