Credits
PERFORMING ARTISTS
Laila Ahmed Zaher
Performer
COMPOSITION & LYRICS
Mohamed Hasan
Lyrics
Islam Zaki
Composer
Lyrics
أنا من زمان خوفتنى
هزيتلى ثقتى وسبتنى
جيتلك عشان كان نفسى أعيش
وأنا جيا أعيش، موتنى
بقى دى النهاية وده اللى بتحاسب عليه ؟
أنا من زمان خوفتنى
ولغيت مشاعرى هزمتنى
إزاى هقول وبأى عين
شوفتك ف يوم بتحبنى؟
جاوب سؤالى وقولى مره كسبت إيه ؟
حكايات وعود مين اللى قال مش برضه كان إحنا؟
مين اللى علقنا ف غرام، و أذانا وجرحنا؟
حكايات وعود مين اللى قال مش برضه كان إحنا؟
لو كان راحتنا ف الفراق، ده ياريته ريحنا
ونهاية حبى فيك
فى كلمة أخيرة ليك
محتاجه أنام، وأصحى ف يوم ألاقي قلبى نسيك
أنا طول حياتى كلها
حابسه مشاعرى لوحدها
قافله عليها الباب عشان
ماتجيبش حد يذلها
أنا كنت فاكرة ده اللى هيجيب الأمان
وأما فتحت الباب لقيت
أذيتها ومعاها إتأذيت
ياريت فضلت لوحدى يوم
ولا حد قرب منها
ولا حد حاول يبقى ليه أصلا مكان
حكايات وعود مين اللى قال، مش برضه كان إحنا؟
مين اللى علقنا ف غرام وأذانا وجرحنا؟
حكايات وعود مين اللى قال، مش برضه كان إحنا؟
لو كان راحتنا ف الفراق، ده ياريته ريحنا
شكرآ عشان بإيديك
قطعت علاقتي بيك
مستغربه، إزاى ف يوم وقفت حياتي عليك؟
حكايات وعود مين اللى قال، مش برضه كان إحنا؟
مين اللى علقنا ف غرام و أذانا و جرحنا؟
حكايات وعود مين اللى قال، مش برضه كان إحنا؟
لو كان راحتنا ف الفراق، ده ياريته ريحنا
ونهاية حبى فيك
فى كلمة أخيرة ليك
محتاجه أنام، وأصحى ف يوم ألاقي قلبى نسيك
Written by: Islam Zaki, Mohamed Hasan
