Weshlon Tahjorni

وشلون تهجرني بلا ذنب واسباب

وشلون قلبك طاوعك تهجريني

ترى غيابك طال يا سيد الاصحاب

شوفي دموعي جرح جفون عيني

حتى الفرح في غيبتك يالغلا غاب

 والحزن وانواع السهر محتويني

انا الجريح اللي من البعد منصاب

داوي جروحي ي الغلا وارحميني

قلبي رهيف احساس والحبّ غلاب

على الجفاء والصد وش في يديني

اشعر بحبك بالمعاليق منساب

يا بهجة ايامي وزهرة سنيني

ذكراك ما تقبل معاذير وغياب

في كل ليله يشتعل بي حنيني

احن لك وابدي على راس مرقاب

واجر لك صوتي ولا تسمعيني

غنيت لك تقوى الهجر بين الاحباب

وغنيت لك يا ( ملهمه ) صارحيني

ما طابت عيوني ولا خاطري طاب

وش صالحك يوم انك تعذّبيني

جرح القطيعه بين الاضلاع معطاب

يا روح روحي بالوصل عالجيني

لا تقفلين الباب عن طارق الباب

الى متى مقفول بيني وبيني