Mathkara Handawe

තෙමුනා දෙන් සීරාවේ පෙම් ගලනා හන්දා

වෙලුනා දෙන් හීනේ මා නිම් නොවනා හන්දා

මා හදේ නම් සරන්නේ

මේ හැඟුම් ඇයි පෙලන්නේ?

මා නොවේ නම් දැනෙන්නේ

පෙම්බරෝ ඇයි නෙතු හැංගූවේ

නෑ හිතක් නොදෙන්නට ආලේ

ඔය දෑස් තමා දඟලන්නේ

මේ හිතත් අරන් ගිය තාලේ

මා මත් කර හැන්දෑවේ

ගිලෙනා නෙත් දෑනේ මා සිල් බිඳෙනා හන්දා

දැනෙනා පෙම් හංගා මා නම් රහසේ වින්ඳා

මා නමින් පෙම් පුරන්නේ

ඇයිද මේ කල් බලන්නේ

දෑත ඉල්ලන්ද එන්නේ

පේවෙමින් එන්නද සංසාරේ

නුබේ රුව හදෙහි රැදුනා එක පාරින්

මගේ හද නැවතිලා නුබේ ගාවින්

සීතල මල් වැස්සක් හැලුන යාමෙන්

ආසයි තෙමෙන්න නුඹ එක්ක ආලෙන්

ආදර හීසරින් ඔයා විද්දේ

නුඹ පැටලිලා මගේ හිත් අගිස්සේ

හීනෙක තනියම මං ඇවිද්දේ

යන්න එපා බොඳකර මගේ මේ හීනේ

රහසක් කියන්න ආසයි මං ඔයා හරි Naughty හැබැයි හරි Fun

පොඩ්ඩක් එන්නකො ළඟටම දැන්

පෙම්බරො ගන්නද ඔය අත මං

මේ ලයේ සුසුමන් තියා වින්දාවේ ළං ළං වීලා

නෙත් සරේ හැඟුමන් මවා උන්නාවේ සන් සුන් ලීලා

නෑ හිතක් නොදෙන්නට ආලේ

ඔය දෑස් තමා දඟලන්නේ

මේ හිතත් අරන් ගිය තාලේ

මා මත් කර හැන්දෑවේ