ឮតែរអ៊ូ

1. (ប) ឮតែចែរអ៊ូថាចង់មានសង្សារ ឆាតទៅម្តងណាមិនឃើញចែ reply ទេ សួរនាំតិចតួច ចែប្រកាន់ខឹងស្រែកជេរ បើចឹងដដែលចែ Drama ធ្វើអី

2. (ស) កុំចេះរឿងខ្ញុំសម្ងំយកតែសុខទៅ កុំឱ្យខ្ញុំក្តៅមួម៉ៅអស់ការខន្តី ព្រោះតែខ្ញុំដឹងបងឯងមិនធម្មតាអី ពូកែបោកស្រីសម្តីផ្អែមដូចមេស្ករ

3. (ប) គ្រាន់តែខោអាវខ្ញុំនេះមិនចេះបោកផង ទម្រាំបេះដូងបោកបានយ៉ាងម៉េចស្រីល្អ កំលោះដូចខ្ញុំមានតែចិត្តដែលស្មោះស មិនចេះភូតភរបោកបេះដូងស្រីទេៗ

4 (ស) អ្នកណាហ៊ានជឿច្បាស់ជាត្រូវដេកឱបទុក្ខ អស់ស្រូវជង្រុក ទឹកភ្នែកហូរវាល់កញ្ឆេ

(ប) ចែរអ៊ូអី ឬមួយក៏ដើរជាន់ពេ ទើបមកស្រែកជេរខ្ញុំនេះឡើងផ្អើលគេឯង

5 (ស) ស្អប់ណាស់ជួបណាស់

(ប) ចាស់ថាជាគូពីព្រេង

(ស) កុំមកកំប្លែង

(ប) បងថាមែនទែនជីវា ស្រឡាញ់បងទៅកុំនៅរអ៊ូដល់ណា ឈប់ដើរDrama ឆ្លេឆ្លាផ្អើលពេញ Facebook