Pòtoprens (feat. Kabysh & Zazou Beats)

Pòtoprens tèt frèt lè fè nwa sou po l

Pa de koze k ap di sou do l

Tan pou yo chanje motè l

Yo pito douko l

Y ap pran woulid

Yo menm k ap blo l

Pou pran fòm li m vire lavi m lanvè

Plede goute gou bouch li ban m avangou lanfè

Nan fon lannuit li l souvan kwaze m je klè

Ap ekri sou pwoblèm li kòmsi sa ap ede l refè

Konn met mo kote k mande aksyon

Pa gen tèt cho G

Anyen pa byen fèt san pasyon

Plim mwen tèt frèt

Lè vil la sou tansyon

Non m pa powèt k ap ekri

Sou sansasyon

Kèk mo jodi pou pran swen demen l

Je fèmen kè louvri

M lage lavi m nan de men l

Menm lè l ban m yon dal dosye k mal klase

Yon dal frè k te twò cho pou kenbe fè k mal pase

Ti pito pa met mo sou tan m

Koz pou m ekri

Nan plas lank se dlo je l ak san l li ban m

Chak lè de je vil la fèmen

De pa m yo ret limen

Ap reve pou dòmi pran m

Se pou touman l n ap kreye

Yon plas nou ba l nan chak santiman

Se zafè kè n ap regle

Pa konfonn milèt avèk militan

Pòtoprens salon

Pòtoprens lari

Pòtoprens viv

Pòtoprens mouri

Pòtoprens tèt frèt lè fè nwa sou po l

Pa de koze k ap di sou do l

Tan pou ta pran swen kè l yo jije l sou po l

Krache nan bouch li pran pòz w ap bo l