Қазақстан

Өр Алтай өлкем,

Ақжайық желкен,

Ертіс пен Есіл еркем.

Каспий, Аралым,

Толқын - тауларым,

Балқашым көлім барым.

Қазақстан - қанатты қыран елім,

Атақоныс мекенім.

Қазақстан - төскейде өскен төлің,

Жерұйығым көркемім.

Қаратауымдай,

Алатауымдай,

Мәртебем, бағым сондай.

Ұлытау бағым,

Сарыарқа әнім,

Астанам атқан таңым.

Шығысым күнім,

Жетісу жырым,

Батысым барқыт түнім.

Теріскей жерім,

Оңтүстік төрім,

Бабалар басқан мөрін.