على العهد

مدري بكى حلم ولا ليلة غبرة

نسوني احبابي ولا ضاعت أخباري

نسوني احبابي ولا ضاعت أخباري

مدري من اللي من الثاني نفذ صبره

لا يا زمن من هو البايع من الشاري

لا يا زمن من هو البايع من الشاري

لا الوجه وجهك ولا النبرة هي النبرة

مدري ولكن طرا لك يا زمن طاري

مدري ولكن طرا لك يا زمن طاري

من الثلث الأول في مكاني على مركاي

مع هاجسي لين الفجر دق توقيته

تخالف همومي مثل ورد على سقاي

حيام عليه وكنه القيض مضميته

اعزي فؤادي بين راي يخالف راي

الامال ما شفيته والأعراف حاديته

يحسفني الماضي وامل على اللي جاي

سوق الهقاوي بين يمكن ويا ليته

على حلم عمر ما استوى لي على ملقاي

صرفت النظر في الناه واناي قلت احلده

فجوج البسيطة صار ودي والدجى منفاي

أسامر مناديبه وأسخر عفاريته

على غير علام الخفى ما ابتدي شكواي

عظيم يعرف أسرار عبده وخافيته

ويامل قلب يشعفه صوت عزف الناي

يود الهوى لو كان الأيام مشقيته

قصرت الرجا لو كان ما قصرت يمناي

من اللي تناساني وأنا ما تناسيته

جفون عليها سوق قلبي وعنه خطاي

لهوا سخيت قلب ما بعد قبله سخيتا

على العهد منه بالوفاء للغلا شراي

خذا القلب من بين المعاليق وأعطيته

محبة وفاء من مهجة القلب ومن اقصاي

عطيته غلا حتى ماجاه من أهل بيته

غرام مكن بأقصى الضماير لجي بحماي

تمثني الضلوع وفي الحشى شب كبريته

مرابعهم شفى وداره غدت مشهاي

عسى مدهله روايح المزن مسقيته

أشوفه تنكر للغلا ناوي فرقاي

وباع المحبة بالجفا يوم وافيته

نسى الحب الأول جعله اتلى على النساي

ولا ألوم قلبي يوم زادت تناهيته

نهيته من المقفى ولا يستمع في الراي

ألا ليت قلبي يسمع الشور ياليته