Pantherlied

Es isch emol en Panther gsi, wo z'fuul gsi isch zum Laufe Drum isch er sich im Lade zwei paar Rollschueh goge chaufe Es isch emol en Panther gsi, dä het guet chöne chlätere Er het e schöni Mueter gha und sibe wüeschti Vättere Dä Panther wär scho längstens viel berüehmter als dä Globi Wenn er nöd am Fernseh gseit het, lisme seg sis Hobby Das isch übertribe gsi, fascht scho bitzli gloge Er het nu dä Wulleschöfli mängisch s'Fell abzoge Es isch emol en Panther gsi, dä hät schön chöne singe Mer het em nur es Glace als Belohnig müese bringe Es isch emol en Panther gsi, dä hät höch chöne gumpe Er het sich en Fallschirm bastlet usmne alte Lumpe Dä Panther wär scho längstens viel berüehmter als dä Globi Wenn er nöd am Fernseh gseit het, läse seg sis Hobby Das hät niemert glaubt, debi het er nöd übertribe Fascht alli sini Büecher het er au no selber gschribe "Das wär für en Panther viel z'schwär" Hets tönt vo überall her Das wär gar kein Panther Das wär jo ehner en Bär Es isch emol en Panther gsi, dä het viel müese bade Well suscht hett er gstunke wienen ganze Raubtierlade Es isch emol en Panther gsi, wo Freud gha het am Tauche Er isch go d'Fisch verschrecke und go s'Krokodil aafauche Dä Panther wär scho längstens viel berüehmter als dä Globi Wenn er nöd am Fernseh gseit het, lüge seg sis Hobby Das isch zimli ehrlich gsi, und glich hets nöd ganz gstumme Und d'Lüüt hend gseit: "Da chunsch jo nümm druss" um de Panther ume "Das wär für en Panther viel z'schwär" Hets tönt vo überall her Das wär gar kein Panther Das wär jo ehner en Bär