ប្រសាទប្រក់ស្លឹក

ខ្យល់ផាត់រំភើយ ខ្យល់អឺយ! ល្ហើយម៉្លេះទេ

មាសអឺយ! មាសស្នេហ៍

ហុចស្លឹកមកឱ្យបង ហុចទាំងខ្នួចមកផង

ចាសបង!ៗ

ពីរោះណាស់នួនល្អង

ឆ្លើយ ចាស!ៗបង ពីរោះម៉្លេះទេ

ចាស! នេះស្លឹក នេះខ្នួច ថែមទាំងបារី ស្លឹកសង្កែ

អរគុណៗៗហើយស្នេហ៍

មិនដឹងអរគុណអ្វីទេ

ត្រូវតែអរគុណៗៗៗៗ អូនជាប្រពន្ធពេញលក្ខិណាអឺយ!

ឱ! បងអឺយ! បង បងអឺយ! ឃ្លានហើយឬនៅ?

មិនឃ្លានទេពៅ បឺតបារីនេះទៅ

ឆ្ងាញ់ណាស់ណាពៅ ឆ្ងាញ់ណាស់ៗ ឆ្ងាញ់ណាស់អូនអើយ!

បងសុំបង្ហើយ ប្រាសាទវាំងជ័យ

អូ! ប្រាសាទៗ ប្រាសាទឫស្សី ប្រក់ស្លឹកអឺយ!

ហ្នឹងហើយ!ៗ ហៅថាប្រាសាទស្នេហា

សប្បាយឬទេ? ឱ! ណាកែវណា

សប្បាយ អស្ចារ្យៗៗ ឱ! ណា ប្រុសថ្លៃ

នេះនែ! កន្ទួតព្រៃ អញ្ជើញប្រុសថ្លៃ ញ៉ាំលេងកម្សាន្ត

អូន!

ចាសបង!ៗ

ឱ! កែវនួនល្អង ល្អទេផ្ទះយើងនេះ?

ល្អណាស់ៗ ថ្វីបើផ្ទះនេះតូចពិត

សូវផ្ទះចង្អៀត កុំចង្អៀតចិត្ត

ត្រូវហើយវមិត្រ ជីវិតៗយើងមានសង្ឃឹម

ញញឹមទៅអូន បងចង់បានកូន មុខដូចអូនណាស់