Nto mundu tanti calabrisi simu
E comu frati nui ndi rrispettamu
Tuttu lu beni chi ndi trasmettimu
Tuttu alla nostra terra u dedicamu
Calabria quandu sgrugghii la matina
Pe colazioni nu durci ripienu
Senti nta ll'aria nu pocu di brina
E all'orizzonti c'è n'arcubalenu
Sembra nu ponti tra Riggiu e Messina
E di st'incantu non poi fari ammenu
Da Catanzaru Crotoni e Cusenza
Da Vibu e Riggiu ca stessa spiranza
Partiru mastri cu tanta esperienza
E o nord si portaru la mastranza
Ndi costruiru di palazzi e villi
E puru tanti centri commerciali
E non ci sunnu mastri comu a dilli
E nonostanti a genti parra mali
Dinnu ca simu tutti ndranghetisti
Pe ccomu ndi esponimu nto parrari
Ed è pecchistu chi simu mal visti
Ma è n'educazioni naturali
