Ошко сапар

Баратабыз, багытыбыз Ош тарап

Жаным секет, күттүң бекен жол карап

Сапарымда неге сага шашылдым

Куса болуп, куса болуп

Жолугууну мен самап

Күтчү жаным, Бишкек жолу узак да

Мына-мына баратамын Сузакта

Сагынычтар көкүрөккө толдубу

Жаным секет, жаным секет

Тосуп алчы Фуркатта

Узун жолдо зымыраса мерседес

Кыялымда тилеп келем жетсе тез

Телефондун шыңгыр үнүн тындырбай

Улам-улам, улам-улам

Жөнөтөсүң СМС

Күтчү жаным, Бишкек жолу узак да

Мына-мына келип калдым Куршабка

Сагынычтар көкүрөккө толдубу

Жаным секет, жаным секет

Тосуп алчы Фуркатта

Сапарыбыз эч бир койду арбыбай

Айдоочу да өчөштүбү шашылбай

Келатабыз Отуз-Адыр аралап

Артта калып, артта калып

Жаны-Аргы, Садырбай

Кантем анан, Бишкек жолу узак да

Мына-мына келип калдым Фуркатка

Кусалыктар көкүрөккө толдубу

Сүйүү кушу,сезим кушу

Сени издей учат да

Сени дегдеп, самап келдим узактан

Мына-мына жолугуштук Фуркаттан

Тараганча бизде болгон кусалык

Жаным, эми, жаным, эми

Чыгарбаймын кучактан