16 x 16

你影響過我心跳 唔洗講都會心照 你係一面鏡 望你就望見我 將我內心照 你留低嘅季節 你留低嘅溫度 你留低嘅細節都被記憶所擁抱 係時候 我知你就係要走 當刻我手心顫抖 整個字宙星宿冇辦法拯救 請求 你留低 天國嘅樓梯迤迤然 走近你身邊 時間流逝 只望見你嘅背面 憶起勸勉 憶起時間 憶起每天 欲言又止 收喺心裏邊 I'm not an open book 沉默只有你識讀 飛快嘅步速 難以捕捉 只有你穿過一草一木 尋找我蹤跡 歲月嘅空隙 最難以跨過 卻從容不迫 牆上日曆 偶而使我窒息 乏力 天朗氣清又彷似日蝕 嘆息記憶 日益褪色 最難過嘅階段 仍然喺夢中轉 最寒冷嘅階磚 十六乘十六吋 吸走了靈魂 吸走了體溫 深淵有幾深 有冇辦法再企得起身 最難過嘅階段 仍然喺夢中轉 最寒冷嘅階磚 十六乘十六吋 吸走了靈魂 吸走了體溫 深淵有幾深 有冇辦法再企得起身 喺某個地方 潮濕嘅記憶未乾 熟悉嘅氣味 喺鼻腔 Imma stay strong 跨過 every day every night 彷似深不見底嘅泥土埋藏住記憶嘅根 Under the sun 困喺懊悔嘅深淵 只能意會嘅辛酸 你我早已為生存 失平衡 失分寸 同神明到底有乜爭端 沿住你腳步搵出根源 心算 我只有個心願 it doesn't matter 無論幾習慣離合聚散 眼淚唔會捨棄或者攰嘅眼 攀幾座岩 攀幾座山 穿過underground 穿越過心田 游過腦海嘅深淺 我擱淺 如坐針氈 過去或者構成今天 幾多金錢 冇辦法帶你嚟到跟前 難過登天 只可以遺憾地 喺夢中慰問你 最後嘅抱擁作為告終 算係遺憾美 最難過嘅階段 仍然喺夢中轉 最寒冷嘅階磚 十六乘十六吋 吸走了靈魂 吸走了體溫 深淵有幾深 有冇辦法再企得起身 最難過嘅階段 仍然喺夢中轉 最寒冷嘅階磚 十六乘十六吋 吸走了靈魂 吸走了體溫 深淵有幾深 有冇辦法再企得起身