Lik

بغيت نڭول ليك شحال، شحال من كلمة بغيت نغني ليك شحال من نغمة بغيتك تشوف ذاتك فقلبي وترتاح بغيت نشهد ليك ونڭول شحال، شحال تانبغيك معاك عشت وحلمت وتمنيت وحققت وما زال، ما زال بغيت نطوف ونشوف معاك بلدان وبحور وعراصي وجبال، وجبال اليوم هاني واقفة، فاتحة روحي ليك اليوم هاني وكل ما فيا هديتو ليك دعيت لربي يكمل ليك كل، كل ما تتمناه تمنيت كون يمكن نقرب ليك ما تستناه معاك غنيت وشطحت وضحكت وبكيت ولعبت وما زال، ما زال بغيت نحس وندوق ونحيي الروح ونريح البال، أنا نريح البال اليوم هاني واقفة، فاتحة روحي ليك اليوم، اليوم هاني وكل ما فيا هديتو ليك حبيت ديك النور اللي ساكنة في عينيك حليت كتاب مكتابي وكتبت حروف سميتك نتا فيه اليوم هاني واقفة، فاتحة روحي ليك اليوم، اليوم هاني وكل ما فيا هديتو ليك ليك، ليك نتَا اليوم هاني وكل ما فيا هديتو ليك، ليك، ليك، ليك اليوم هاني واقفة، فاتحة روحي ليك اليوم هاني وكل ما فيا هديتو غير ليك