El Kheir W El Baraka

(الخير و البركة )

( الاب )

بوصل بنتى بنفسى الأيد اللى هيرعاها ويصونها

دى روحى اللى بتتاخد منى ورضيت لجل عيونها

( الاب)

اخر حاجه كنت اتخيلها

البيبى اللى كنت شايلها

بايديا الليلة بوصلها

لدنيا جديدة والله يعينها

والأستاذ ده بقى يهننها

( البنت )

انت الخير والبركة الحب الأول انت السند

اللى بحبه ف زعله ف طيبته ولما غضب وعند

صاحب الفضل بجد عليا

واللى اديله عينيا شويه

واديله اكتر منها

( الأب )

من تاتا تاتا وانا ماسك ايدها

هى اللى ف حضنى بقعدها

رحله ومرت عمال اعيدها

ايه اصعب من حد ياخدها

واللى مصبرنى هيسعدها

( البنت )

انت الخير والبركة الحب الأول انت السند

اللى بحبه ف زعله ف طيبته ولما غضب وعند

صاحب الفضل بجد عليا

واللى اديله عينيا شويه

واديله اكتر منها

اول فرصه انا عندكوا قاطعه وهرجع بالليل البيت

وندور مش لاقيينها