Music Video
Upcoming Concerts for Herman Medrano
Top Songs By Herman Medrano
Credits
PERFORMING ARTISTS
Herman Medrano
Performer
COMPOSITION & LYRICS
Hui Truong Nguyen Tran
Composer
Ermanno Menegazzo
Songwriter
PRODUCTION & ENGINEERING
Trunxks
Producer
Lyrics
1, ghe xe opiniòn che no serve gnente
Come na scora co a bora a Trieste
Far siensio sarìa a regoea
Parlare se i te interoga, ma va capire chi va in deroga
2, ritajate del tenpo pa svagare
Dopo lavoro assa stare e pare
Vivi tenpo libero, no tenpo misero
O te deventaré cativo come Lucifero
3, cata a voja de far festa, o uno che te a inpresta
Pentirse dopo xe a tendensa
Sparagna sì, ma spendi do monee
Eà cassa da morto no ga mai scarsée
4, parécia un piano B, C e D
Se e robe no gira te toca ti
Moea abitudini, timori e ripensamenti
No rimorsi, rinpianti e lamenti
Raporti cussì, situassiòn da colica
Staghe dentro fin el còeo no senplifica, conplica
Sta cansón xe par mi, un fià de promemoria
No vojo canbiarla, vojo farla a me storia
Raporti cussì, situassiòn da colica
Staghe dentro fin el còeo no senplifica, conplica
Li scrivo par mi, un fià de promemoria
No vojo canbiarla, vojo farla a me storia
5, alenate abastansa co a toeransa
E se i te tira pa i cojoni avansa
Chi tira indrìo no ga capìo che i bestemará ogni dio
El suo, el tuo e anca el mio
6, te fe capée? Rimedia
Te despiaze pa davero fa calcossa no comedia
Finché no xe conpreso, studia
Un jiorno piove ma sta pronto se diluvia
7, no state inbágoeare
Co chi moea un amigo pa no ris-ciare un afare
Cata el corajo de cavárte dai cojoni
Sércate i migliori, o almanco quei boni
8, sta al largo co te trovi un modo
No pensaghe massa al prossimo aprodo
Assa che ogni tanto i projeti dorma
Tuto se desfa e ritorna soto naltra forma
Raporti cussì, situassiòn da colica
Staghe dentro fin el còeo no senplifica, conplica
Sta cansón xe par mi, un fià de promemoria
No vojo canbiarla, vojo farla a me storia
Raporti cussì, situassiòn da colica
Staghe dentro fin el còeo no senplifica, conplica
Li scrivo par mi, un fià de promemoria
No vojo canbiarla, vojo farla a me storia
9, i vegnarà sercarte ma no pa robe serie
I ronpicojoni no va mai in ferie
El tenpo xe pressioso pa pérdeo co i dementi
Serti momenti difendìi coi denti
10, te piaze star sui social?
Co adulti co a testa che xe pezo de un bocia?
Fa na paroea co chi capisse, che te o capissi
Capirse co i amissi no co chi fa i caprissi
11, te inpari a fare? Prova a spiegare
Pensa a insegnare e no soeo criticare
E se te ghe dei limiti te devi ameterlo
Soltanto un stupido voe dimostrare senpre de no esserlo
12, no disturbar chi pensa
Resta soravia che xe amara l'essensa
No disturbar chi zoga, lavora o ciapa el soe
Forse gnanca le voe, no ghe serve e to paròe
Raporti cussì, situassiòn da colica
Staghe dentro fin el còeo no senplifica, conplica
Sta cansón xe par mi, un fià de promemoria
No vojo canbiarla, vojo farla a me storia
Raporti cussì, situassiòn da colica
Staghe dentro fin el còeo no senplifica, conplica
Li scrivo par mi, un fià de promemoria
No vojo canbiarla, vojo farla a me storia
Writer(s): Ermanno Menegazzo, Hui Truong Nguyen Tran
Lyrics powered by www.musixmatch.com