Tshimologong

Tshimolong

Tshimologong Modimo

o bopile dilo tsotlhe

Ka Lefoko a bopa

Legodimo le Lefatshe

A leba Lefatshe a bona

le sena popego e ntle

Ka lefoko a re a go nne

lewatle dithaba le dimela Ka lefoko digagabi le diphologolo tsa nna teng Ka lefoko a re a go nne bosigo le motshegare

Ka lefoko Modimo o bopile tse di molemo tsotlhe

A tloga a tsaya mmu a bopa Motho

Motho o bopilwe mo setshwanong sa Modimo A fiwa botlhale go feta

dibopiwa tsotlhe tsa Modimo. A newa thata ya go okamela tsotlhe lefatsheng

A newa thata ya go fa tsotlhe lefatsheng maina mme motho ga a diragatsa ditaelo tsa Modimo

O letleletse dikeletso go mo kgaoganya le Modimo ka a ne a batla go tshwana le Modimo ka Botlhale. Modimo a tseela motho kgato ka ntlha ya bokgopo

A mo ntsha mo tshimong ya gagwe ya Eden. Motho a tshwanelwa ke go

tshela ka mohuhutso wa phatla ke moo go mo rutileng borukutlhi le bokebekwa

Lefufa letlhoo ya nna chaka ya gagwe

e o a lekang go fenya mathata a botshelo ka yona Motho o ne a neilweng tsotlhe ke Modimo botshelong

Mme motho ga aka a kgotsofalela tseo tsotlhe.Le gompieno

ga go yo o ka kgotsofatsang motho. Lefa o ka mo neela tsotlhe botshelong ja gagwe. Ga a kitla a kgotsofalela tsotlhe

tse o di mo diretseng