ទ្រូងស្ទើរប្រេះបែក

I- តើកម្មពៀរអ្វី ផ្ដន្ទាខ្ញុំម្ល៉េះ?

ភ្លើងស្នេហ៍សន្ធៅឆាបឆេះ សល់កម្ទេចផេះហុយគ្របជីវិត

មាណវីផ្កាព្រៃ រោយន័យរាត្រីងងឹត

ផ្គាប់ស្នេហ៍ថ្នមថែនែបនិត្យ ឱះឱ!ជីវិត ក្នុងខ្នោះលោកិយ ។

I- ត្រូវសើចឬយំ យំប្រាប់អ្នកណា?

មុខផ្ទះត្រូវសង់រោងការ កាត់ក្ដីស្នេហាឱ្យទៅអ្នកថ្មី

ឈាមមួយតំណក់ ដក់ត្រាំសំងំក្នុងផ្ទៃ

មានឈ្មោះជាសាច់អប្រិយ រស់ឥតតម្លៃ ញាតិដៀលស្ដីថា ។

R- ទ្រូងស្ទើរប្រេះបែក ទួញស្រែកដង្ហោយ

មាណពបងអ្ហើយ បងអើយ… បងនៅទីណា?

មាណវីចាំបង ម្ចាស់ចំណងស្នេហា

ម្ដេចក៏ដាច់មេត្តា ទុកឱ្យបុប្ផារស់រងសង្វេគ។

III- ម្ដេចកម្មអាក្រក់ ធ្លាក់លើរូបខ្ញុំ

ច្រៀកចិត្តចងលោហិតមួយដុំ លើកម្រាលព្រំ ផ្ទឹមខ្នើយទឹកភ្នែក ។

រោងការអភ័ព្វ ចងភ្ជាប់ដោយទុក្ខយំយែក

វាសនាផ្កាព្រៃបាក់មែក ក្រាលលើដំណេក ជើងមេឃរាត្រី ។

R- ទ្រូងស្ទើរប្រេះបែក ទួញស្រែកដង្ហោយ

មាណពបងអ្ហើយ បងអើយ… បងនៅទីណា?

មាណវីចាំបង ម្ចាស់ចំណងស្នេហា

ម្ដេចក៏ដាច់មេត្តា ទុកឱ្យបុប្ផារស់រងសង្វេគ។

III- ម្ដេចកម្មអាក្រក់ ធ្លាក់លើរូបខ្ញុំ

ច្រៀកចិត្តចងលោហិតមួយដុំ លើកម្រាលព្រំ ផ្ទឹមខ្នើយទឹកភ្នែក ។

រោងការអភ័ព្វ ចងភ្ជាប់ដោយទុក្ខយំយែក

វាសនាផ្កាព្រៃបាក់មែក ក្រាលលើដំណេក ជើងមេឃរាត្រី ។