Guli Awat

ئه‌ى گوڵى ئاوات گه‌شه‌ت بێ‌ و پێكه‌نه‌

نه‌ختێ نرخ‌ و فه‌ڕ بده‌ به‌م چیمه‌نه‌

سه‌رپه‌رۆشى بۆنى ئێوارانته‌

گیان په‌ریشانى پیاڵه‌ى گوڵشه‌نه‌

كوا له‌ كوێیه‌ بولبولى سه‌ودا سه‌رت

بۆچى بێئاواز‌و سۆزى ده‌گمه‌نه‌

گوڵ وتى ئاسمانى پاكى نیشتمان

پڕ ته‌م ‌و هه‌ورى به‌د‌و ناڕه‌سه‌نه‌

وا له‌ ژێر تینى گڕى داگیركه‌را

هه‌رده‌یى ره‌نگینى خاكم رووته‌نه‌

سه‌یرى په‌نجه‌ى دوژمنى تینوو به‌ خوێن

نه‌وگوڵى لاوان ئه‌كاته‌ ده‌سكه‌نه‌

پێكه‌نه‌ ئێسته‌ له‌ جێگه‌ى ده‌ست‌و پێ

بۆ قه‌فى زنجیرى دوژمن گه‌ردنه‌

وا له‌ جێگه‌ى ساز‌ و ناڵینى كه‌مان

هه‌ر زڕه‌ى زنجیر‌ و زرمه‌ى پێوه‌نه‌