O Talentiño

Terá que ir pasando o tempo

con talento e mais con tino

para darmos un concerto

e comezar este camiño.

E faremos malabares

coas sete notas e o ritmo

que sairá na nosa lingua

con xeito e con agarimo.

Somos as voces en flor,

somos a danza do río,

somos a fonte do son,

somos nós o talentiño.

DO mundo somos un eco

REmando sempre con tino,

MIrando de ollos pasmados

FAlando do que sentimos.

SOLpores imaxinamos,

LAmentos non transmitimos,

SIlenzo que comezamos:

Somos nós o TALENTIÑO.