Music Video
Music Video
Credits
PERFORMING ARTISTS
Marwan Moussa
Performer
PRODUCTION & ENGINEERING
Marwan Moussa
Producer
ahmed g
Mastering Engineer
HatemBas
Mixing Engineer
Lyrics
إتفضل، أنا مبسوطة إني أخيرًا شُفتك هنا
ماشي، هدّي النور عشان هقول كلام من القلب
إحكيلي كده حاسس إيه
ماشي
حاول تفتكر
من السواد، من السواد
طالع من الضلمة، صاحبي فات فات الميعاد
كل إللي فات كان زيادات، محفزات
بس المرة دي ليا حق، ليا كمبيالات
للي حاله إتشقلب بدري، من حيث لا تدري
أنا إللي كنت بجري
من الحفلة للبيت ع الستوديو وأروح مغني
وأحسس نفسي إن الدنيا بمبي
لو كان حد بس يسألني
عامل إيه؟
شايف إيه؟
متضايق ليه؟
اه، طب رايح على فين؟
بتدور على إيه؟
طب ناوي تعمل إيه؟
ليه؟
في هنا طاقة بتحركني من جوة، بتقربني للقوة
بتعرفني مين فيه الأخوة، ومين إللي مش هو
عملت إللي عليا الباقي مش في إيديا
فطرت أمل إتعشيت ليالي وحدانية
سامع صوت أمي وأنا لوحدي وسط العتمة دية
زمن الشهرة، الشركات دي قاعدة بتنهش فيا
آه بس أنا مركز، مش عايز أتفتش
مش عايز أتكلم عن الشغل أكتر من كده، دماغي مكركبة
همومي هوا عالي فوق موج ومركبة، أفكاري مهببة
عايزينك تسندهم وإنت عايز إللي يسندك، مفيش مشكلة
هيجيلنا النصيب في الميعاد الصح
مش عايز أعمل أغاني إني جامد طحن
نفسي أبقى معاكي وسط سُكات البحر
وأكيد هتسأليني
عامل إيه؟
شايف إيه؟
متضايق ليه؟
طب رايح على فين؟
بتدور على إيه؟
طب ناوي تعمل إيه؟
اه، ليه؟
إتصرفت بسرعة، مكرتش
لما إحتاجتني متأخرتش
سنتين من غير شمس
صوتي الإيجابي كان مجرد همس
قعّد الأمل، قوله ميسخنش
(ليه قاعد تعمل فحص في ماضيك؟)
(من إمتى وبتهتم بالتاريخ؟)
مش عارف مالي، إيه اللي بيحصل
مش عارف حتى أحب بقيت بحذر
قدام مرايتي بسأل
عامل إيه؟
متعايش مع الواقع، مش موهوم
شايف إيه؟
مش شايف فيها حاجة غير هموم
متضايق ليه؟
مش متضايق، إتعودت دي الظروف
يمكن ده الإحساس المطلوب
طب رايح على فين؟
حتة الـLocation مش جايبها
بتدور على إيه؟
حاجة أصعب من إني أوصفها
طب ناوي تعمل إيه؟
مش مخطط بس هبقى أشوف في ثانيتها
ليه؟
مش عارف
بص يا مروان
في حاجة إسمها خمس مراحل للحزن
أول مرحلة
هي مرحلة الإنكار
حاول تفتكر
Written by: Marwan Moussa
