Wagef Qseedi

واقف قصيدي وكنّ رموشكْ الجُمهورْ

غمّضتْ عِينكْ و كِحْلِكْ اَسدلْ سْتَاري

ياللّي عَلىَ شِبّاكْ حِلمِي وَحدكْ الطّابُورْ

عَايِشْ عَلَى دُورِيْ وحلمي واكبر اَسرارِي

ما فيه غيرك .. ولا غيرك ابيه حضور

ما عندك الا شوق لهفة على اخباري

واجيك متواضع ولا فيني عليك غرور

لني احبك واعشقك .. يااطيب اقداري

__

يا نور شمس النهار ان شع فيه النور

يا ثلج راس السنة يا ويل تذكاري

تذكاري اللي يناديني وانا مقهور

مابين وحده وغربة شبتي وناري

احط راسي على همي وارضي تدور

فوقي شهاب وكوكب ونجم انواري

يضحك ظلام وليل ويبكي مسا ديجور

يالله عسى حسن الختام بآخر أمتاري