Baare Ninnage Naanu

ಬಾರೆ ನಿನಗೆ ನಾನು ದಾವಣಿಯೊಂದ ನೇಯುವೆನೆ

ಆ ತಾರೆ ಸಾವಿರ ಮಿನುಗಿ ದಾವಣಿಯಂಚಲಿ ಮಿಂಚಲಿವೆ

ಆಹಾ ನನಗೆ ನೀನು ದಾವಣಿಯೊಂದ ನೇಯುವೆಯಾ?

ಆ ತಾರೆ ಸಾವಿರ ಮಿನುಗಿ ದಾವಣಿಯಂಚಲಿ ಮಿಂಚುವವೇ?

ಮಗ್ಗದ ತಾಳಕೆ ಹಿಗ್ಗು ಹೊಳೆಯೇ ಹರಿದಿದೆ

ಮೊಗ್ಗು ತಾ ಅರಳಿರೆ ಘಮವದು ಸುತ್ತಿ ಸುಳಿದು ಮೆರೆದಿದೆ

ಬಾರೆ ನಿನಗೆ ನಾನು ದಾವಣಿಯೊಂದ ನೇಯುವೆನೆ

ಆ ತಾರೆ ಸಾವಿರ ಮಿನುಗಿ ದಾವಣಿಯಂಚಾಲಿ ಮಿಂಚಲಿವೆ

ಆ ದಾರವೇ ಈ ನೇಯ್ಗೆಗೆ ಆಧಾರವು

ಆ ಗಾಳಿಯೇ ಈ ಬಾಳಿನ ಆಧಾರವು

ಪ್ರೇಮದಲಿ ನೋಡು

ಪ್ರೇಮಾವನೇ ನೀಡು

ಪ್ರೇಮದಲೇ ತೇಲು

ಪ್ರೇಮದಲೇ ಬಾಳು

ಮಗ್ಗದ ತಾಳಕೆ ಹಿಗ್ಗು ಹೊಳೆಯೇ ಹರಿದಿದೆ

ಮೊಗ್ಗು ತಾ ಅರಳಿರೆ ಘಮವದು ಸುತ್ತಿ ಸುಳಿದು ಮೆರೆದಿದೆ

ಅಂಬರದ ಆ ರಂಗನು ತಿದ್ದುವೆಯೇನು?

ಬೆಳದಿಂಗಳ ಹೊಂಬಣ್ಣದಿ ಅದ್ದುವೆಯೇನು?

ಸ್ನೇಹದಲಿ ಆಡು

ಸ್ನೇಹದಲೇ ಹಾಡು

ಸ್ನೇಹದಲೇ ಕಾಡು

ಸ್ನೇಹದಲೇ ಕೂಡು

ಮಗ್ಗದ ತಾಳಕೆ ಹಿಗ್ಗು ಹೊಳೆಯೇ ಹರಿದಿದೆ

ಬಾರೆ ನಿನಗೆ ನಾನು ದಾವಣಿಯೊಂದ ನೇಯುವೆನೆ

ಆ ತಾರೆ ಸಾವಿರ ಮಿನುಗಿ ದಾವಣಿಯಂಚಾಲಿ ಮಿಂಚಲಿವೆ