ទូដែកអត់សោ

ការគិតអូនត្រូវ តែអូនជ្រើសរើសខុស

អូនយកបុរសម្នាក់នោះ អូននឹងគ្មានក្តីសុខទេ

មិនមែនមើលស្រាល ទាយអនាគតអូនទេ

គឺបងបារម្ភមាសមេ គេដូចជាក្មេងនៅហៀរសំបោរ។

(វគ្គ២)

គ្រួសារគេមានឋានៈ គេក៏ធំ

តែបងចង់ដាស់តឿនម៉ុម គេត្រឹមជាទូដែកអត់សោ

ឃើញលុយពេញភ្នែក តែចាយលួចលាក់ដូចចោរ

សន្សឹមៗអូនកុំឆោឡោ ប្រយ័ត្នគេកោរខុសចិត្តអូនប៉ង។

(បន្ទរ R)

ដងវិថីស្នេហ៍បងប្រាប់គ្មានទេភ្លើងស្តុប

ទៅមុខឬឈប់ សូមអូនគិតទុកជាមុនផង

ខ្លាចអូនហក់ហួស ប៉ើងជ្រុះដូចខ្លែងដាច់គ្មានខ្សែចង

គិតឡើងវិញណាស្នេហ៍ស្នង បំណងល្អពីប្រុសអូនក្បត់។

(វគ្គ៣)

យ៉ាងណាចុងក្រោយ គឺស្ថិតនៅលើអូន

ដាក់ខ្លួនឬមួយដកខ្លួន ស្រេចតាមចិត្តអូនគិតឲ្យប្រាកដ

មិនទាន់កាត់ក្តី កុំឲ្យទោសតាមសន្មត

ច្បាប់ក្រមមានចែងបានកត់ ស្នេហាផិតក្បត់ស្តែងក្នុងមាត្រា។

(ច្រៀងវគ្គ R រួចបន្តទៅវគ្គ៣ វិញចប់)