كي بايت نستنى ترجعلي رسالة

ليلتها تصاورنا رميتهم في البوبالة

نتخيل و نبرني ستنيت تعبرني

و اليوم راجعة تحكي نسيت روحك مسالة

البارح في الأيام تلف و تلف خسرتو كنترولي نخزر للمنڨالة

لحكاية تتكلف تتكلف ماعاد نحبك تحولت لآلة

نطلب و نطلب و سيادتك ما تهزش

في مخي نصبر بش ما نتنرفزش

وينك وقتلي ستحقيتك ما لقيتك و طحت في فرشي و تمنيت ما نفزش

واليوما ماعادش شاقي وقفت على ساقي بقدرة المولى ما تكزش

هاني دزيت مع روحي لا مزية للباقي أُقعد غاديكا ما تدزش

تواحشتك برشا يا حبي يزيتش بركة بلا تبهنيس متاعك

ماعادش متاعك

تبدل ڨيطوني ماعاد عينو يخسر طاقة في فراعك

مخي مش هوني ما تنسنى مني نداويلك أوجاعك

و سماح فكا الوقت لي خسرتو مشيت و ما حاشتي بوداعك

كول كول تعرف لي راجل كنت معاك ماللول

قول شكون حكالك بابي ديما محلول

طول راجعة تعفّس ملا ثقة تملكها

كان مش العشرة كرامتك ما نشلكها

فيبالك كان انتي لي عندك القبول

كول زمان ينسي و الشدة راي تزول

كول لا تقلي مرحبا لا تحكيلي شنحوالك

كأس الرقعة نرمالمون يمدوهالك

ما فماش بقعة تي بالك أوتالك

نسامح ما ننسى ما تبدلش أقوالك

ضحيت على جالك أما اليوم مشغول

أول عينايا نتذكر عطيتك يزي بركة ما ستنيتك كالحجرة وليت من ناحيتك ماعادش تعنيلي كالبارح

أكثر ماللازم حبيتك يمكن برشا قيمة عطيتك نتذكر و سارح

ما كنتش نتصور بش تطلع تلعبلي في دور و تظهر في لخر رهدانة

ما كنتش قد الثقة وقت الرسمي خسارة ما كنتش في نيفو الأمانة

ثلاثة يقولولك الحقيقة واحد سكران و واحد منرفز و أنا

وقتلي عطيتك قلبي في يدك انتي فركتو بالخنجر

و اليوم بالنسبة ليا وليت نقطة خضراء عالميسنجر

عمري ما ننسى كي عملتهم معايا

أما مسامح في قلبي ما نخلي بقايا

ما نخلي ضغينة ما نفضح كوجينة

أما إنت و الماضي خليتكم ورايا

البارح في الأيام تلف و تلف يا بيبي قلي شنية تبدل و تغير

لحكاية تتكلف تتكلف و العبد لله ماعادش صغير

ما كنتش موجودة متسلفة مردودة

الثنية لي تهز لقلبي اليوم مزدودة

راجعة كيانو شيء ما فما تبدل راو حمة أحساسي ولات مفقودة

مش كيما آمس كي اليوما ما عيني في محبة مسمومة ترنكيل مع ذاتي

ديما خاطيكم أنتوما و المشكل فيا أنا بطبيعة مخيبها صفاتي

دنيا دوارة متحركة عرفتك بش ترجع نحكيلك بالفرشة

فما مني واحد بركة و انتي فما منك برشا برشا برشا

بيبي مانيش حالل ورشة لي تكسر عندي ماعاد يتصلح

بلا نقاشات لازم نحكيو عمرك ماك بش تقنع راجل متملح