Dukh ki ghadi mein yahan kaun mera sath de

Maa se juda hu aur bnti nhi hai baap se

Main bhala aadmi bura bana halat se

Hu andhero mein khoya mujhey koi to awaaz de

Yaa fir naa bhi de, ab mujhey kya hi farak

Maine rishton ko nibha ke seekha hai ye sabak

Tu jisko sabse zyada chahega satayega wahi tujhey rulayega bna ke zindagi ko narak

Haan!

Yahi sacchayi hai aur maine yahi seekha hai

Aur seekha hai kitabon se ni bhai mujhpe beeta hai

Ye kaisa hi saleeka hai ke kadwe ghoot peeta hai aur muskura ke jeeta hai ye bhuvi dekho

Lagta pagal ho gya hai isey bhram hai ya sach much mein shayar ho gya hai jabse dard iski zindagi mein dayar ho gya hai likhe dard bhi to sunne wala kayal ho gya kyu

Kyuki sabka yahi haal hai, ye bhuvi to bas likh deta yahi to kamaal hai

Kisi ke liye pyar hai jo kisi ka malaal hai

Kisi ke liye zaya hai jo kisi ke liye wo roti daal hai ki

Zindagi ke alag dhang dekhe

Mausam se zyada badalte aadami ke rang dekhe

Gunehgaar ghoomte huye netaon ke sang dekhe

Bhale aadmi bhi kitne jailon me hain band dekhe maine

Maine dekha hai aulaad ko hath uthate baap pe aur baap ko jeevan lutaate apni us aulaad pe yahan dekha maine bastiyon mein bachpan bina kapde ka, kapdo ka dher dekha maine magar laash pe

Aur Kaise dost jo dost ko girane ke liye roz yahan chaal chalte hain

Maine dekhi aisi mohabbat jo mohabbat to na thi khaali premi ek dooje ko halaal krte hain

Koi yahan paiso pe mara kisi ko jism ki hai bhookh

Koi majhab ke naam pe daale praniyo mein foot

Bhuvi ghista ghista kalam khud ghis gya

Lekin is kalam se kabhi likha nhi jhooth

Aage sun

Ye kaisi ghadi ho gyi

16 saal ki ladki bhi ab badi ho gyi

Usey chahiye follower usey chahiye fame ab

Aadhi nangi wo insta pe khadi ho gyi

Kya ye sach nhi

Saare bandhan toot gye

14 saal ke ladke ab nashon mein doob gye

Kyu samaaj ke maayne saare peeche chhoot gye

Aakhir socho to kabhi ke hum hain kahan chook gye

Bollywood ye aadha vaishyakhana ban gya

Ye kabootar, naujavan iska dana ban gya

Likha sach jo tere liye fasana ban gya

Kya hi khoob aadhunik ye zamana ban gya

Bhole dekh

Insan bhagwan ban gya

Mere jaisa shakhs yahan bejuban ban gya

Mera shrap hi mere liye vardaan ban gya

Bhuvi dard likh kar dava ki dukan ban gya

Aur ye likh rha hu gana baitha diwali ke din main

Bahar diyon ka prakash par andhera mere dil mein

Aur in shabdo se ek diye ko jalaane ka prayaas

Tu bhi meri tarah jo tujhey sacchayi dikhe in mein

Mere dost!

Koi ni aane wala bachane tujhey

Khud hi hai sambhlna kyuki ghar bhi hai chalana tujhey

Raaste mein tere vyasan Khoob milenge par yaad rakhna ke ghar ka chirag hai jalana tujhey

Ye to duniya hai rang dikhaye

Aise halato mein kaun kiska saath nibhaye

Haar ho skta hai tujhey har mod pr mile

Asal Vijeta wahi hai jo ki aage badhata jaaye

Aur

Kabhi jeevan mein jo chinta sataye

Kabhi bheed mein bhi khud ko jo akela tu paaye

Tab ye sochna ye gana maine likha tere liye

Ismein tere aur mere hain dono ke bhaav samaye

Peace out!