My life ain't so bad

You drive so fast

To the silence, baby

Don't trip, relax

And we'll be alright

'Til the sunrise

Inakyat ko ang mataas na bundok

'Di tumigil kahit mga paa ko mabugbog

Kung kailan nakatungtong sa tuktok

Saka naman nagkaroon ng tuldok

Inakyat ko ang mataas na bundok

'Di tumigil kahit mga paa ko mabugbog

Kung kailan nakatungtong sa tuktok

Saka naman nagkaroon ng tuldok

Maraming nag-aabang, maraming nagtatanong

Kailan battle? Miss ka na namin mambaon

Bago ko sagutin kung bakit ba gano'n

Ibalik muna natin sa dating panahon

Estranghero at Ramon, Yawzi at Pajutes

Datu versus Loonie, eto, snappy na salute

Hanggang sa maligaw kay Eminem pati kay Juice

Binge watch ng grind time pagkagaling ko ng school

Rekta na ka'gad sa computer shop

Panahong 'di pa uso 'yong Google Maps

Sina-soundtrip 'yong freestyle ni Supernat

Ako'y nahuli ng rap, parang na-booby trap

Hanggang sa mapanood 'yong Cameltoe versus Datu

Brand new, ginanap sa Quantum

Acapella, parang Dumbfoundead versus Tantrum

Tagalog pa kaya 'yong dating ay naging times two

Tiningnan ko kung may Facebook sila

Gusto ko na malaman kung meant to be ba

'Di lang na simple na asaran, parang be, bote nga

Inisip lang 'yong legacy may A to Z pa

2010, kalaban ko si Harlem Ty

B-A-T-T-L-E, R-A-P

Komedyante na rapper parang Michael V

Nagapi no'ng unang salang pero ay's lang, G

Ako'y OG, parang Obi-Wan Kenobi

Unang TF ko no'n kay Daddy Joe D

500 pesos 'yong inabot kay Toti

Pasimple, low-key, palihim parang shinobi

Unang laban ko, disesyete anyos

No'ng natalo, winning streak na pagkatapos

Pa'no pa 'pag 'yong degree ay nairaos?

Rap ang pinili, pinag-isipan nang maayos

Pagbaba ng barko, wala nang doubt

Nilabanan ko ka'gad si Bryan Lao

Imbes na magtiktik-kalawang, mamili ng weak na kalaban

Ang gusto ko peak na agad, bakbakan sa South

Nababad nang husto, lalong pinahusay

Isang dos por dos, tatlong isa buhay

Naihanay ako sa mga tunay

'Yong bata na nag-solo flight do'n sa Malugay

Dumaan ang pandemya, handa pa rin gumera

Kaso ba't may hurado na nagpapalitan ng pera?

Nag-iba 'yong sistema, walang tinatalo

'Di na 'ata 'to 'yong liga na kilala ko

Fast forward, 2022

Laban ko kay Sinio, ready, execute

'Yong lugar, sobrang grimy puwede MV shoot

Binuhos ko walang natira maski na residue

Dahil sa pustahan, 'yong career ang tinaya ko

Ayoko lang 'yong sining natin parang ginagago

Galit 'yong ibang tao, pero may resibo

Mayro'ng video, garapalan na hindi na tinatago (Yari ka, pati 'yong presidente binangga mo)

Alam kong puwedeng kahinatnan ng ginawa ko

Buti kahit papa'no, mayro'ng pinagbago

At 'di totoo na matagal ko na 'yong pinaplano (Kung mayro'n kang problema, dapat kinausap mo)

Malapit na 'yong battle nong nadagdag 'yon sa sulat ko

Ipapaalam ko pa ba 'yon kay Anygma?

Battle emcee din siya, ulo pa ng liga

'Yong pagkatalo raw kay Gorio ay dinadamdam

'Di nakuha kampeyonato na inaasam

Liga ay sinasaktan, 'tang inang pustahan 'yan

Dahil sa utang na loob, hinahayaan lang

'Yong pusta, isang milyon alam kong talo na 'ko

Dagdag mo pa gawain no'ng mga hurado

Tensiyonado, emosyon, pressure, halo-halo

Kaya sa entablado, nagmukha 'kong barumbado

Lumipas ang tatlong taon

Siguro nawala na 'yong mga tampo ngayon

Fliptop anniversary, nag-ayang pumunta do'n

Para magpakumbaba at masabi ko 'yong rason

Walang driver si Loons kaya 'di nakasabay

Sumama 'ko kay Zaki, sa Grab ay sumakay

Kahit 'di imbitado pumunta, pasaway

Para personal mag-sorry at makipagkamay

Bumili ng sariling alak at ng mangunguya

Para 'di masabi na ang kapal naman ng mukha

Nando'n din lahat ng pasimple na nangungutya

Pero balewala, Gold Label 'yong tinutungga

Hinintay ko siya, baka lang na-traffic

Pati si Loons, wala pa ba 'yan naman? Awit

Tinawag ng bantay si Anygma daw nagalit

At ang sabi sa 'kin, pinapaalis ka ni Aric

Ang sabi ko, gano'n ba? 'Di na 'ko nagtanong pa

Sana lang hinarap niya 'ko, gusto ko mangamusta

Kahit 'di na bigyan ng laban ay wala kong paki

Basta matapos 'yong gabi na maayos kami

Kaso eto na 'yong ending ni tanga

Pero ang bait ni Kuya Dennis talaga

Ba't ka pa pumunta? Eh, ekis ka na nga

Diyos nga nagpapatawad ay atheist ka pala

Tinanggap ko kahit na masakit

At least, malinaw na 'di na 'ko makakabalik

Namiss ko 'yong yanig, pagod, at stress

'Lam kong maraming sabik kay Battousaipekz

But I guess this is the end

'Di na kailangan i-call out sa big event

Hinihiling kasi 'pag bumanat hindi bitin

'Pag FT, alam mong hindi titipirin, kalaban titirisin

Shout out sa mga bago, hindi pabulong

Mindanao, Visayas, pati sa Luzon

Dere-deretso lang, 'wag magningas-kugon

Nauubos na 'yong magaling, mali ako do'n

Sa mga tagahanga na nanonood sa akin

Hinugot niyo 'ko sa kumunoy na malalim

'Di ko man matupad na mga bulong sa hangin

Gusto kong malaman niyong kayo bumuo sa akin

Sa buhay natin kailangan ng sakripisyo

Upang marating ang sariling paraiso

Mayro'ng dahilan kung bakit natatalisod

May plano ang Diyos kung bakit ka nandirito

Pasensiya na kahit hilutin ko kapos

Eto na 'yong huling minuto ko, tapos

Salamat, Aric, ang buti mo na boss

Salamat, Fliptop, mi último adiós

My life ain't so bad

You drive so fast

To the silence, baby

Don't trip, relax

And we'll be alright

'Til the sunrise