Conscience

Fi di ute dem Seen Yow Wha cuda possess a man Fi tun a AK47 pan a young woman And have di heart to fi sen har go to neverland Mi have a question Wen uno kill aff di oman dem wha uno do F man eeh Wha cuda possess a yute Fi lick down a baby mada An har likkle yute Look how she beg him An a plea but him still a shoot An come back pan di corna An a laugh like him tink sey it cute No man dem bredda ya mad Jamaica wen yuh read di news It nuh mek you sad Man a shot up all church Den a so dem bad Hold on deh man Wha uno a try fi tell mi sey Gun man nuh rate God Government wha uno a go do U seet look into mi eyes Still a tell unnu Some man a talk bout dem a shotta Dem a idiboo A mussi cow push dem out Cau mi cyaa believe dem nada too