A ma mère

Toute out tendresse momon

Ou la toujours partagé

L'union dan nout foyer

L'éducation donné

Lété pareil pou toutes zenfants

Et plus tard chakinn son direktion

Ou lavé soucis si inn lété malade

Et si lote té apprenn mal lékol

Nou lété ptit

Nou té pren toute à la rigolade

Et pou nou tout les jours papillon vole

Zordi momon

Ou wa mwin lé gran

Mi espère ke de mwin ou lé fière

Personne non personne va remplace mon momon

Jusko dernié battement de mon kèr

Zordi momon oh

Ou wa mwin lé gran

Mi espère ke de mwin ou lé fière

Personne non personne va remplace mon momon

Jusko dernié battement de mon kèr

Minm si parfwa la vie té dur matin et swar

Mais pou nou ou té assure

Mon prömié je t'aime

Prömié regard, mon prömié plèr

Destinés à ma reine

A ma mère