album cover
Kamin
album cover
Kamin was released on April 29, 2026 by Amjad Jomaa as a part of the album Kamin - Single
ReleasedApril 29, 2026
LabelAmjad Jomaa
BPM109
Melodicness
Acousticness
Valence
Danceability
Energy

Lyrics

هدوء
خايف من الهدوء
ما بتطمّن ولا برتاح لما الجو يروق
متعوّد اغفى عالقصف
مش عَ يلا تنام
واوعى عَ دخان الشارع المحروق
كَمين
متأكد في كَمين
سألني إلي عندي خبرة سنين
خبرة لا تقل عن عمري
من لمّا خلقت بدري
بتنفّس دخان الحرب
منكّه بالياسمين
ربيان بحيّ ما في واحد غيري حيّ
بنوّم حالي لمّا جوع
وبس تشتّي بشرب ميّ
بغفى بالشمس
ببرد بالفيّ
ولمّا تباغتني الشظايا
بكوي جرحي كيّ
هيك عوّدوني
يلّي متلي ما خلقوا ليحلموا
ولا يطمحوا ويتعلّموا
يلّي متلي خلقوا بس ليعرفوا
لمّا يهبط السقف كيف بيحتموا
وعلّموني ,, يلّي متلي بالدنيا صفر عالشمال
وإنه كل العمر محظور التجوال
فطبيعي خاف من الهدوء
ويتشكّل براسي مليون سؤال
خدني
عشي محل ما فيه هدنة
سمّعني صوت رصاص
أصوات الحرب بتشدّني
والسلام مش لأشكالي
حلمي مهما سقفه عالي
مصيره يهبط بهاون
مسألة وقت وليالي
عطريق الهجرة ماتوا كل أصحابي
وهدّوا بيتي
ما ضل حجرة تحكي عن شبابي
وشوّهوا أحلامي
يا عينيّي نامي
واحلمي يعود الزمان
وابكي عَ شبابي
كاتب أحلامي عالحيط بنقط دم
هيهات الشمل يا يامو يلتم
كان الحلم عيلة ابني
 بأرض الوطن ربّي ابني
كذاب يلي قلَي الدنيا أمّ
هيك عوّدوني
يلّي متلي ما خلقوا ليحلموا
ولا يطمحوا ويتعلّموا
يلّي متلي خلقوا بس ليعرفوا
لمّا يهبط السقف كيف بيحتموا
وعلّموني ,, يلّي متلي بالدنيا صفر عالشمال
وإنه كل العمر محظور التجوال
فطبيعي خاف من الهدوء
ويتشكّل براسي مليون سؤال
بالختام
من حقي عيش بسلام
واشعر لَنّو مَرّة إني حُرّ وبعدها نام
يبدو إنه الإنسانيّة
إلها علاقة بالجنسيّة
ومذهبي يلّي عالهويّة
ممكن يحكمني إعدام
بالختام
من حقي أعيش بسلام
واشعر لَنّو مَرّة إنّي حُرّ وبعدها نام
أول ما عرفوا جنسيتي
رفضوني وكسروا لي هويتي
وجبروني أعبر تهريب
واتعتّر بين الألغام
Written by: Amjad Jomaa

Loading...