Oh Diu ca no t'avissi mai viduta e canusciuta no t'avissi mai,

dintra stu pettu no n'ceri trasuta

Mo no me davi pene comu fai

Doglia de capu mmie m'isse vinuta, la prima vota ca cu tie cuntai,

tie nc'iai postu lu focu e tie la stuppa, stuta stu focu ca brusciatu m'hai

Suspiru e suspirannu ieu m'affliu, suspirututte l'ure de lu giurnu,

Suspiru quannu manciu e quannu bbiu, suspiru ieu la notte quannu dormu,

Suspiru quannu vau llu miu caminu, suspiru ieu lla casa quannu tornu,

Se quarche amante passa e dice addiu, prima scettu suspiri e poi rispunnu

Lu malatu desidera sanare, lu carceratu de carcire ssire,

lu mamiaru bon postu pijare, la mamma sflitta la fija vidire,

ieu nubulìa cu eggiu Cardinale, nemmenu Papa e allì celi salire,

solu na vota cu tie parlare, solu na vota e poi morire.

All'occhi, all'occhi toi nu sciame d'api

Alli toi denti zappuni caduti

Alla tua canna curteddhi mmulati

Allu tou core doi stili puntati

Tantu cu eggia la tua sanitàta

Quantu la crapa llu mese de l'utri