Jö schau (Live)

Neilich sitz' i umma hoiba zwa im Hawelka

Bei a poa Wuchtel'n und bei an Bier

Auf amoi gibt's beim Eingang vuan an Mord's Trara

Weu a Nockerta kummt eine bei der Tür'

Da oide Hawelka sagt: „Suach ma an Platz”

Owa sie macht an patz'n bahö'

Weu sie mant, dass sowas da net geht

Und er soll si schleich'n, aber schnö

Jö schau, so a Sau, jössas na

Was macht a Nockerta im Hawelka?

Geh wui, oiso pfui, meiner Söh

Hörst i schenierat mi an seiner Stöh

Aaner ruaft: „A Wahnsinn

Gebts eam was zum Anziehn”

Doch sein Freindin mant: „Geh fesch

Endlich aner ohne Wäsche”

Jö schau, so a Sau, jössas na

Was macht a Nockerta im Hawelka?

Der Ober Fritz sagt: „Wir sind hier ein Stadtcafé

Und was Sie da mach'n is a Schweinerei”

Ein alter Schauspieler wiederum meint

„Aber, geh, also i find' da garnix dabei”

Drauf sagt der Nockerte: „Moment, Moment

Sie wissen wohl nicht wer i bin

A wann mi kaner kennt, i bin sehr prominent

Als elegantester Flitzer von Wien”

Jö schau, so a Sau, jössas na

Was macht a Nockerta im Hawelka?

Geh wui, oiso pfui, andrerseits

A so a Nockerta hot a sein Reiz

Moch ma hoit a Ausnahm, samma heit ned grausam

Weil ein Bohemienlokal pfeift auf Spiessbürgermoral

Jö schau, so a Sau, jössas na

Was macht a Nockerta im Hawelka?