Anfiyi Adhrough

I waḍu ma ad d-iεezzem Fell-ak ad d-yeẓdem Ad yeglu s iferrawen-ik Ahat si tnaṣfa ad ak-yeddem Ad k-yerẓ ifadden Ad ak-yeddem s lekmal-ik Di ddunnit ad ak-iḥeccem Ad ak-ibeddel isem Ad ak-yecmet deg umekkan-ik Anef-iyi ad ruɣ Serreḥ-iyi ad ruɣ Yeffeɣ-d wejgu deg umager-aman Ibeddel iẓuran Yeṣṣerwa i zman taḍṣa Yettzuxu i medden s wurfan Ɛeğğben-as wussan Waqila ibeddel ccetla Acuɣer i k-ɣunfan waman Dima d arẓagan Tmenεeḍ awtul di lɣaba Anef-iyi ad ruɣ Serreḥ-iyi ad ruɣ Berka-k lemεanda ɣer wiyaḍ Ulac win tifeḍ Kul ajeğğig s lqima-s Ur tzerrεeḍ ur tmeggreḍ Weḥd-k i tselɣeḍ Ur tḥemmleḍ ḥedd ad ak-immas Tḍurreḍ ur tenfiεeḍ Di nḥas i tgemmeḍ Tifi-k lǧedra n maras Anef-iyi ad ruɣ Serreḥ-iyi ad ruɣ Bɣan akk medden ad ak-gezmen D lɣaba ad tt-fersen Iwakken ar tṣeggem tferka Rǧan ad d-yas win ara k-yekksen Setḥan ad ak-qerrben Sikkiden i wudem lqaεa Tusiḍ-d ur-k-yebɣi yiwen Tezgiḍ gar wallen Tekfa deg udem-ik leḥya Anef-iyi ad ruɣ Serreḥ-iyi ad ruɣ