Es is so schee, wenn ma a Bleame segt am Wegesrand, des bliaht
Und es is schee wenn ma noch oam Johr wieder kimmt und es is no ned betoniert
Dann hod ma Glück, dass no koana do gwen is, der do draus sein Profit ziagt
Wenn wo am Wegrand in oller Seligkeit a oanzains Wiesenbleame bliaht
Es is so schee, wenn ma an am gloan Boch dot steht, der se durch'd Auen schlangelt und durch'd Wies
Und es is schee, wenn ma noch oam Johr wieder kimmt und no ned Flur bereinigt is
Dann hod ma Glück, dass no koana do gwen is, der do draus sein Profit ziagt
Wenn wo a Boch ned bloß grodaus owerinnt, sondern se einfach rasterlos verbiagt
Es is so schee, wenn ma die Kinder segt, wia's lachan laut und ungeniert
Und es is schee, wenn ma noch oam Johr wieder kimmt und sie san no ned automatisiert
Dann hod ma Glück, dass no koana do gwen is, der do draus sein Vorteil macht
Wenn wo a Kind unbelastet spuit, die Welt no nei erfindt und mit sich selber lacht
