Wia tanzn is

Wauns schwaa is, nua hoibat schee Waun olle nua auf d neafn gehn Waun jedn dog novemba is A jeda mensch a schiaches gfries Wauns ziagn und schdessn daan A jedes weh ois hööd vadraan S aufschdee scho a oabeid is Du n gaunzn dog nua wogglad bist Daun nimm mi in deine oam Hoid mi fest und hoid mi woam Weu ans is ma oiweu gwiss Dass es lebm mit dia wia tanzn is Und waun amoi ollas geht Die wööd si daun um mich nua dreht Sich s gligg amoi fiare draud A jeda schani zuwehaud Wauns laafd, waun des gerschtl rennt Waun mi auf amoi jeda kennt Wauns juwöön und abbladiern Die bessan leid im feinan zwian Daun nimm mi in deine oam Hoids afoch aus, hoid mi am bodn Weu ans is ma oiweu gwiss Dass es lebm med dia wia tanzn is Und waun i daun amoi nimma kaun Ned waas, wos fia an dog ma haum Med gichd und med ohne zänd Ka geignspüün mea nua ziddahend Wauns aus is midn ziagn und draan Und i wegn jedn bledsinn waan Wauns mi olle dog nua eissaln fian Med wossa foi und nua a nian Daun nimm mi in deine oam Hoid mi in mein schdoiz und in mein zoan Weu ans is ma oiweu gwiss Dass es lebm mit dia wia tanzn is