دندن وغن

كل ما تذكرته تذكرته بـفنْ

واليا تناسيته تذكرت فـنّه

ظنيت عنه اسلى و خيَّبني الظنْ

و أثره تناساني و ما خاب ظنّه

قبله أنا عاقل و معه العقل جَنْ

وشلون في دنياك يارب جنَّه

ولا غاب عني قمت من شوقي أونْ

و ما قد و أنا وياه ونّـيت ونَّه

كنّي ملكت الأرض في يدٍّ و كنْ

الشمس في يدٍّ إذا الحضن كنَّه

جاني مطر صيفٍ و في جيّته منّ

و الحق لا قلنا له ألفين منّه

آمر تدلل وش تبي دندن و غن

دام الهوى لاجيت دندن و غنّى

و ابشر بوقتي و بي لا خافقك حن

وش ما تبي سوّه بإيديك حنّا