Peythozhinja Mazhayil

പെയ്തൊഴിഞ്ഞ മഴ പോലെ വന്ന നിനവേ

വേനൽ തേടും മഴപോലെ വന്നൊരഴകായ്

നെഞ്ചിലെ ചില്ലയിൽ തളിരിടും നിൻ ഓർമ്മകൾ

നറുനിലാ സന്ധ്യപ്പോൽ തെളിയുമെൻ കിനാവുകൾ

ആർദ്രമാമെൻ മിഴികളിൽ നിറയും നിൻ ചിരികളായ്

പാടും നിൻ ശ്വാസമായ് വരൂ വരൂ മനസാഗര വീഥികളിൽ

ചേർന്നൊരീ ഇടനെഞ്ചിലെ നേർത്തലിഞ്ഞ താളം

പാടുവാൻ തേടുമെൻ ഹൃദയനോവിൻ നാദം

മനമേതോ നറുതൂവൽ പോൽ ഇരുളിൻ പൊയ്കയിലായ്

നോവിൻ ഒരു രാഗമായ് നീ വാനിൽ ഉയരുകയായ്

എന്നും മായാത്തൊരു പുലരിയായ് എന്നും അണയാത്തൊരു

ഹർഷമായ് നീ വരൂ വരൂ മനസാഗര വീഥികളിൽ

ഓർമ്മകൾ ഉണരുമീ വർഷതാഴ്വരകളിൽ

തനിയെ ഞാൻ നിൽക്കവേ മിഴിനീരിൻ തേടലായ്

ഓരോ അനുരാഗവും ഇടറും നൊമ്പരമായ്

ഓരോ മിഴിനീരിലും നീ മറയും സൂര്യനായ്

എന്നും മായാത്തൊരു പുലരിയായ് എന്നും അണയാത്തൊരു

ഹർഷമായ് നീ വരൂ വരൂ മന സാഗര വീഥികളിൽ

നെഞ്ചിലെ ചില്ലയിൽ തളിരിടും നിൻ ഓർമ്മകൾ

നറുനിലാ സന്ധ്യപ്പോൽ തെളിയുമെൻ കിനാവുകൾ

ആർദ്രമാമെൻ മിഴികളിൽ നിറയും നിൻ ചിരികളായ്

പാടും നിൻ ശ്വാസമായ് വരൂ വരൂ മന സാഗര വീഥികളിൽ

പെയ്തൊഴിഞ്ഞ മഴ പോലെ വന്ന നിനവേ………….