Krediler
PERFORMING ARTISTS
Alathb
Performer
COMPOSITION & LYRICS
Turaath
Composer
Nayef Fheed Almoaamri
Lyrics
Şarkı sözleri
هاض الضمير وفز من بين الاقواس
فزت ذريف ن للمواجيب ضاري
للنايبه ماهو بخيلن وهلاس
ولا حط للمعذار مخرج طواري
اخترت عن جو المدن حمر الاطعاس
فوق اشهبن ياسم بطون البراري
لشعر والنوماس يهتاض الإحساس
لأ صار في ربعي يزيد افتخاري
ربعي لهم في قمة المجد مجلاس
يطمع به اللي دون مجده يماري
معامره من حرب ساسن ع ساس
عيال عامر مبعدين المساري
عيال عامر ستر من تمشط الراس
مع دربهم تشبع سباع الصحاري
من حس في باله من الهم هوجاس
يزبن عليهم عن سموم الذواري
في ضفهم ينسى الروابع والاتعاس
والخوف ماله في ضميره طواري
رجالن دهاتن غليضين وأشواس
عند الطلب مثل السباع الضواري
يهاجمون اللي على قب الافراس
اينزحونه عن ظهرها اجباري
باللي شباته كنها حد الأمواس
مع مضربه يظهر لك العظم عاري
ودون الخوي والجار صلفين واشراس
رجالنا عند اللزوم انتحاري
حنا ذرا من يلتهم قلبه اليأس
واللي وراهم ينقلون السواري
دخلينا يامن ولا يلحقه باس
من رمية البندق لطعن الشباري
في ضف شيخن يوم الارياق يباس
كم من شجيعن ذوقوه العزاري
رشدان أبن موزه وللفعل مقياس
يوم المنايا بين بايع وشاري
وقف مواقيف بها يرفع الراس
دون الحقوق ودون ربعه مثاري
له من لبوس الطيب والعز ملباس
حقايقن مابين حافظ وقاري
Written by: تراث, نايف فهيد المعمري
