Etganen (feat. Aida El Ayoubi & Zap Tharwat)

اضحك والضحكة تبقى ضحكتين واتنين فى اتنين فى اتنين ضحك كل العايشين كلنا فى مركب واحدة مكملين والصورة الحلوة بتتاخد فى ثانيتين إوعى تغمض عينيك تقف بعيد وحيد حاجات كتير حواليك بتناديك ارسم ولون وشوش الناس شغل مزيكا تخيل غني بإحساس سيب نفسك لو حتى يوم لو كل الناس هيقولوا عليك مجنون سيب نفسك لو حتى يوم ولو كل الناس هيقولوا عليك مجنون عيش للناس اضحك ما الضحكة ياما تشيل كتير وكتير مجانين ف الخير ساعدوا كل العايشين لو بكرة تساعد تانى مش بعيد بعده هتصحى تلاقى ف كل الدنيا عيد ما تعيش الدنيا بروح الطفل اللى جواك لو مهما قالوا الضحكة مش مفارقاك افتح شباكك ونور حياتك انزل افرح فرح وكفاية اللى فاتك سيب نفسك لو حتى يوم لو كل الناس هيقولوا عليك مجنون سيب نفسك لو حتى يوم لو كل الناس هيقولوا عليك مجنون نفض أى زعل أو هم عن هدومك ارسم ابتسامة حلوة ابدأ بيها يومك اتجنن اعمل أي خير لغيرك مين يلومك اضحك وامسح اللى باقى لسه من همومك خلى السعادة عادة حتى ولو بزيادة اعمل خير من غير ما تسأل إيه الاستفادة بحلم بالفرح بحلم بابتسامة بحلم إن الضحكة تبقى ف وشنا علامة مجنون عادى جدا ممكن بيها توصفونى مبسوط و ع السعادة جايز جدا تحسدونى سيب نفسك لو حتى يوم لو كل الناس هيقولوا عليك مجنون سيب نفسك لو حتى يوم لو كل الناس هيقولوا عليك مجنون عيش للناس