Real

Yeah

Yeah

Ich han aagfange texte met drizähni

Paar tummi Sätz uf e Schuelblock

Ohni Ahnig vo egendöppis aber deför gnueg Bock

Det scho gwösst dasi ue wot

Nüt met Studio

De Schrank bem Kolleg esch mini Booth, Bro

Egendöppis ufgnoh, nonimol de Stimmbruch

Immer no so chindlech

Eher s Gägeteil, als dass denn scho de King bisch

Doch ich gibe nid uuf

Fahre met föfzehni ganz elleige dör das Land

För es paar Beats und es paar Features und Connections

Immer underwägs in Bern, Chur, Brig, Glarus

Züri, Solothurn, Aarau, Hauptsach duss

Mini Mama froogt mech: Wo bisch jetz a wider gsi?

Bi no es Chind, doch eigeständig wie mer au nume cha si

Läbe nid wi d'Schuelkamerade

Zu Salitos-Ziite bin ich a Hip-Hop-Jams gfahre

Sit drizähni wott ech nume das, won ich jetz ha

Ich schaffe immer för das Ziel

Und du seisch mer, ich seg ned real, aso bitte

Kiddies labred mech aa, frooged: Wie hesch du das gschafft?

Was han ech scho gschafft, frog mech das eher i paar Johr

Alles oder nüt, ech ha nor das Gfühl

Mer möched das gross ond wenns ned klappt eschs ned för nüt

För nüt (För nüt)

Du muesch de Eini under Tuusig si för d Lüüt

Aber je meh vo dene wo dech denn könned

Desto weniger möged si ders gönne

Ond ech weiss was mer so seid, Bro

Dä Wäg esch voller Stei, nor das es weisch

Met drizähni immer no es Kiddie a dem Mikrofon

Text wie ne König, aber Stimm wie ne chliine Goof

Darom räpp ich nor in Internet-Fore

Verbringe stundelang met Battles, ha no niä eis verlore

Ond mine Brüeder frogt, öb ech Loscht ha, en Song z'mache

Met em Mic, won er becho hed of sine Geburtstag

Immer echli schüüch gsi, ned gärn of de Bühni

Mini Jungs mached Shirts mit mim Name druff

Erschte Gig und mini Clique isch det

Ech be ne Woche nervös und nachhär isch's de Shit

Füüf Releases duss, alli gratis

Mir isch Gäld egal, ech wett nor am Start si

Wot mit mine Jungs vo Bühni zu Bühni renne

Mine Traum läbe und eifach de Bescht si

Merci allne, wo mer hälfed

Ohni euch schaffis ned und wenns emol nach ufe goht

Ech schwöre, ech nemm alli mit

Ech nimm alli mit, aber säg mer nor: Wo döre gohts?

Ech wott nome füre goh

Wenn e Traum hesch, de mosch das halt dürestoh

Ech ha veles mösse über mech ergoh loh

Aber Boy, do log ufgäh da'sch es No-Go

Wenni sägeder di Hater hend mech chalt glo

Esch das nor halbwohr

Es send es paar Johr voller Sälbstzwiifel und Dänkkrise vergange

Aber alli, die wo gredet hend, chömed jetzt hinder d Schlange

Sie wend Features und Feedbacks, mir isch das gliich

Ech mach nüt, es ged Liebi nor ellei für mis Team

Kämpfed immer wiiter, üsi Auge ufs Ziil

Jede hed ä Fokus und verlüürt das doch niä

Wenn das fühlsch, dass du lebsch, dich das interessiert

Chumm mit de Clique of Schritt und Tritt

Wenn no länger druff wartisch, de verschwinde mer niä

Keine det uss isch au nur chli eso real wi mer

Kiddies labred mech aa, frooged: Wie hesch du das gschafft?

Was han ech scho gschafft, frog mech das eher i paar Johr

Alles oder nüt, ech ha nor das Gfühl

Mer möched das gross ond wenns ned klappt eschs ned för nüt

För nüt (För nüt)

Du muesch de Eini under Tuusig si för d Lüüt

Aber je meh vo dene wo dech denn könned

Desto weniger möged si ders gönne

Ond ech weiss was mer so seid, Bro

Dä Wäg esch voller Stei, nor das es weisch

Honderti vo Gigs hender üs mettlerwiil

Mer send immerno die Gliiche

Immerno broke und au wemmer nüt verdiäne

Machemer di Arbet immer no wel mer si liäbed

Stahne of de Open-Air-Bühne und wirde nervös

Bi in Gedanke das ech vorig mis Idol gseh ha

Ech han en Traum sit ech Kiddie bi

Schaffe jede Tag bis ech alles ha, bis zom Logeplatz

Ech ghöre diä Mängi

Si rüeft üse Name

Gspüre mine Härzschlag bis zo mim Hals

Genau det bini gfange

Alles voller Lüüt

Jede einzelni vo üch, wo das alles mit üs fühlt

Isch en Teil vo dem Ganze

Ohni euch wäre mer nüt

Mer send am Aafang vo de Reis, chömed alli mit

Wäred viles zäme gseh bis zom Ändi vo de Gschicht

Es isch mängisch liächt, aber hüüfig isch es schwär

Doch egal wie vill so steihert send, mer bliibed uf em Wääg

Mer hend no nüt gschafft

Mer hend erscht üse Wäg bestumme

Zäme üses Ziel avisiert und üses Züüg packt